Биылғы жылы Қазақстанда Бірлік күні әдеттегіден ауқымдырақ түрде аталып өтеді. Атап айтқанда, мереке 28 сәуірде басталып, 2 мамырда аяқталмақ. Өскемен қалалық ішкі саясат бөлімі Бірлік күні облыс орталығында қалай аталып өтетіні турасында мерекелік бағдарламамен бөлісті.

28 және 29 сәуірде қаланың әр ауданында түрлі форумдар ұйымдастырылып, би фестивалі, балалар және жастар акциясы, сонымен қатар қайырымдылық марафоны өткізіледі.

1 мамыр күні сағат 11:00-де Республика алаңында мерекелік концерт басталады. Қаланың үздік ансамбльдері мен шығармашылық ұжымдары өнерін паш етеді. Қала тұрғындары бұл күнде театрландырылған композициялар мен спорттық ойындарды, қолөнер жәрмеңкесін таашалай алады. Дәл осы күні фонтан маңында жастар викторинасы өткізіліп, жеңімпазға «EXPO-2017» Халықаралық көрмесінің билеті табысталады. Сонымен қатар, робототехника мен түрлі интеллектуалдық ойындар өткізіледі.

Сағат 12:00-де Өскемен қаласындағы барлық саябақтар мен аттракциондар саябағы, Сол жағалаудағы музей-қорығы салтанатты түрде ашылады.

Сағат 14:00-де қалалықтар өңірдегі ең тартымты автокөліктерді тамашалай алады. Республика алаңында Шығыс Қазақстан облысының автодыбыс бойынша және «Автоэкзотика» сайысы ұйымдастырылады.

Сағат 19:00-де қаланың басты концертті алаңында жастардың гала-концерті ұйымдастырылады.

Сағат 21:00-де Республика алаңында фонтандар іске қосылады.

2 мамырда сағат 19:00-де облыс орталығының Республика алаңында Турецкий хорының «Халық караокесі» концерті өткізіледі.

Аян Өрібаев