Аудан басшысы Дархан Жөргекбаевтың сөзінше, жуықта Ақжар ауылындағы Мұхамади көшесінде орташа жөндеу жұмыстары басталды, деп хабарлайды Buqara.kz сайтының тілшісі.
Әкімнің сөзінше, бұл көше аудан орталығындағы үлкен көшелердің бірі болса да, осы уақытқа дейін асфальт төселмеген.
- Мердігер жол жөндеу жұмыстарын барлық талаптарға сай жүргізуде. Өткен аптада Жетіарал ауылының Шомбин көшесіне орташа жөндеу жасалған болатын. Жақын күндері Ақжар ауылының Рысқұлов, Молдағали, Қабанбай, Құрманғазы көшелері де дәл осындай орташа жөндеуден өтеді, - деді ол.
Сонымен қатар Тұғыл, Маңырақ, Қабанбай ауылдарындағы көшелерге де орташа жөндеу жұмыстары жүргізіліп, асфальт төселмек.