10 тамызда қазақтың бас ақыны Абай Құнанбайұлының туғанына 179 жыл толады, деп хабарлайды Buqara.kz сайтының тілшісі. 

Осы орайда Шығыс Қазақстан лингвистикалық орталығының бастамасымен қала тұрғындары мен қонақтары арасында “Абайды оқы, таңырқа” атты блиц-сауалнама жүргізілді. Сұрақ-жауап айдары ұлы ойшылдың өмірбаяны мен шығармашылығына арналды. Өскемендіктер қойылған сұрақтарға белсенді әрі тез жауап беріп, арнайы сыйлықтарға ие болды. 
- Осындай іс-шаралардың халқымыздың әдебиеті мен мәдениетін болашақ ұрпаққа насихаттау үшін маңызы зор. Жақында Абай Құнанбайұлының туған күніне қарсы бірнеше ауқымды шаралар өткізуді жоспарлап отырмыз, - дейді Шығыс Қазақстан лингвистикалық орталығының директоры Әсемгүл Абзалова. 

Қымбат МУХАМАДИЕВА