Күршім аудандық сотымен жергілікті тұрғынға қатысты ұсақ бұзақылық жасағаны үшін әкімшілік құқық бұзушылық туралы іс қаралды, деп хабарлайды Buqara.kz сайтының тілшісі.

Сот отырысында азамат К.-ның сәуір айының 17-сі Маралды ауылындағы алтын өндіру фабрикасында, яғни қоғамдық орында фабрика қызметкерлеріне былапыт сөздер айтып, айналасындағы адамдарға сыйламаушылық білдіргені анықталған.
- К. әкімшілік құқық бұзушылық жасаған кінәсін мойындады.
Оның әрекеті ҚР ӘҚБтК-нің 434-бабының 1-бөлігіне сәйкес дұрыс сараланды. Себебі ол қоғамдық орында былапыт сөйлеп, айналасындағыларға сыйламаушылық бiлдiріп, қоғамдық тәртiптi бұзатын ұсақ бұзақылық жасаған.
Сот азамат К.-ның жұмыс істемейтінін, бұрын әкімшілік жауапкершілікке тартылғанын және өзінің қызметтік борышын орындап жүрген адамдарға қатысты бұзушылықты жасағанын ескеріп, оған 10 тәулік мерзімге әкімшілік қамаққа алу түріндегі жазаны қолданды.