ШҚО туризм және сыртқы байланыстар басқармасы Алакөл жағалауындағы туристік маусымның 13 маусымнан бастап ашылғанын мәлімдеді, деп хабарлайды Бұқара.кз сайтының тілшісі.

Демалыс базаларының иелері барлық санитарлық-эпидемиологиялық талаптарды сақтайды. ШҚО Бас мемлекеттік санитарлық дәрігерінің қаулысына сәйкес, көл жағалауында демалу үшін Covid-19 сынамасының теріс нәтижесі болуы қажет. Бір жанұяға немесе топқа 1 анықтама жеткілікті.

- Орналастыру және демалыс орындары ашық, көлік қатынасының барлық түрлері жұмыс істеуде, сондай-ақ брондау жүргізіліп жатыр. Демалыс бойынша ешқандай шектеулер жоқ. Бізде ең қауіпсіз демалыс, қош келдіңіздер!, - делінген мәліметте.