Синоптиктер 2019 жылдың 17-19 қазан аралығында ауа райы қандай болатынын айтты, деп хабарлайды Buqara.kz сайтының тілшісі Tengrinews.kz сайтына сілтеме жасап.

"Атмосфералық процестердің тез ауысуы Қазақстан бойынша ауа райының қолайсыздығын тудырады. Алдағы үш тәулікте Қазақстан территориясы бойынша үлкен жылдамдықпен суық атмосфералық фронттар жылжиды, алайда оның артынан антициклон келеді, бірақ ол да өз кезегінде 19 қазанда кезекті циклонмен және арктикалық фронттармен ығыстырылатын болады. Сондықтан көптеген облыстарда бұлтты және жауын-шашынды (жаңбыр, қар) ауа райы күтіледі", - делінген хабарламада.

Синоптиктердің болжамы бойынша, солтүстік облыстарда көктайғақ болады, солтүстік-батыстан қатты жел соғады, соған байланысты боран болуы мүмкін.