«Nur Otan» партиясының Шығыс Қазақстан облысы Алтай қалалық филиалына көп жылдан бері жеке куәлігін ала алмаған қала тұрғыны жүгінді.

Аталмыш оқиға 1997 жылдан бері жалғасып келеді, сол жылы Алтай қаласының тұрғыны Галина Пантелеева Ресей азаматтығына ауысу туралы шешім қабылдап, көші-қон қызметіне құжаттарын тапсырады. Кейін ол өз шешімін өзгертіп, Қазақстан Республикасында тұруға қалады. Содан соң қайта қалпына келтіру үшін құжаттарын тапсырып, көші-қон қызметі жеке куәлікті қалпына келтіру және азаматтығын ауыстыру үшін құжаттар жинауға жібереді. 2020 жылға дейін ол жеке куәлігін қалпына келтіре алмады, осы уақыт ішінде ол Қазақстанда тұруға ықтиярхатымен тұрды.
«Nur Otan» партиясының филиалы мен көші-қон қызметі келіссөздер қорытындысы бойынша қажетті құжаттарды жинауға бірлесіп көмектесуге келісті. Сондай-ақ, Ресей Федерациясының Елшілігіне азаматтығының жоқтығы туралы анықтама беруді сұрады.
Міне, көптен күткен нәтиже: Галина ақыры жеке куәлігін рәсімдей алды.
«Көп рахмет айтқым келеді, Мен бұл күнді ұзақ күттім», – деді филиал қызметкерлеріне алғысын білдірген Г.Пантелеева.
Айта кету керек, өткен жылы «Nur Otan» партиясының қоғамдық қабылдауына бүкіл ел бойынша 393,2 мыңнан астам өтініш келіп түсті, бұл 2019 жылмен салыстырғанда 2 есе көп.
Бұл ретте соңғы 5 жылда партияға 1,2 млн адам жүгінді, оның ішінде 423 мыңнан астамы – онлайн-форматта. Олардың 92% оң шешімін тапты, тегін консультативтік, құқықтық және өзге де көмек көрсетілді.
Талдау көрсеткендей, халықты негізінен әлеуметтік қамсыздандыру – 30%, тұрғын үй-коммуналдық шаруашылық – 16%, тұрғын үймен қамтамасыз ету – 15%, еңбек даулары – 14%, құрылыс – 9%, білім беру – 9%, медициналық қызмет көрсету – 7% мәселелері алаңдатты.

«Nur Otan» партиясының ШҚОФ баспасөз қызметі