«Алтай» волейбол командасы мен қытайлық «Тяньцзинь Бохай Банк» волейболшылары арасындағы ойын соңына жетті, деп хабарлайды Бұқара.кз сайтының тілшісі.

«Алтай» қытайлық «Тяньцзинь Бохай Банк» командасы мен үшінші орынға таласқан болатын.

Алғашқы сетте 20:20 есебіне дейін қарсыластар тең өнер көрсеткен. Алайда осыдан кейін алтайлықтар басымдықты өз қолдарына алып, 20:25 есебімен қытайлықтарды шаң қаптырып кетті. Аспан асты елінен келген меймандар да қалыс қалған жоқ. Алғашқы кезеңде жіберген есесін келесі кезеңде қайтарып, екінші сет 25:22 есебімен қытайлықтардың пайдасына шешілді.

Үшінші кезеңде «Тяньцзинь Бохай Банк» волейболшылары қарқынды үдете түсіп, 25:22 есебімен алтайлықтардан тағы айласын асырды. Үміт төртінші сетте болғанымен, ол кезеңде де қытайлық команда 20:25 есебімен басым түсті.

Естеріңізге сала кетсек, ақтық сайыста бірінші орынға жапондық «Хисамицу Сеяку Спрингс» мен тайландтық «Суприм Чонбури» командасы (бүгін сағат 17:00) таласады.