Биыл қоғамдық және жол қауіпсіздігін арттыру мақсатында Аягөз қаласында көшелерге бейнебақылау жүйесін орнату жұмыстарына жергілікті бюджеттен 121 692 мың теңге бөлінді, деп хабарлайды Buqara.kz сайтының тілшісі.

Бұдан бөлек, «Транстелеком» АҚ-мен келісімшарт жасалған.

- Жалпы, Аягөз қаласында жалпы саны 187 бейнебақылау камерасы орнату жоспарлануда. 166 бейнебақылау камералары орнатылуда, оның ішінде:

3 камера – нөмірлерді тану камерасы бар ITC кешендері орнатылады (Аягөз қаласына Алматы, Өскемен және Қарағанды қалаларынан кіреберісте);

45 камера - айналмалы камерасы бар PTZ кешендері орнатылады (37 көше қиылысына, теміржол вокзалы, автовокзал, орталық мешіт, орталық базар және 5 жерде көпбатты тұрғын үйлердің аулаларына);

121 камера - қайтымсыз камерасы бар FIX кешендері 41 жерге орнатылады (34 көше қияылыстарына және 7 көпбатты тұрғын үйлердің аулаларына).

Одан басқа серверлік және коммутациялық жабдықтарды орнату жұмыстары жүргізілуде. Аталған жұмыстар 2021 жылдың 25 желтоқсанына дейін аяқталады, - деді аудан басшылығындағылар.