Ресми интернет басылымдар мен спорт тақырыбын қаузайтын парақшаларда палуандар рейтинг бойынша қалай белдестіндері жазылған, деп хабарлайды Buqara.kz сайтының тілшісі.
Мәлім болғандай, Париж Олимпиадасында UWW рейтингісінде орналасқан алғашқы 8 балуан жеребенің екі жағына бөлінбек.
Жерлесіміз Азамат Дәулетбеков төртжылдықтың басты бәсекесінде 86 келіге дейінгі салмақта ел намысын қорғайды.
Қуанарлығы сол, ол қазір рейтингте бірінші орында тұр. Олимпиада чемпионы ирандық Хасан Яздани екінші орында, ол басқа топқа түсті.
Жеребе тарту кезінде рейтингте 1, 4, 5, 8-орында тұрған балуандар бір топта болады. А л жеребенің астыңғы жағында, яғни екінші топта 2, 3, 6, 7 тұрған балуандар бір бөлек белдеседі.

86 келі:
No. 1 Азамат Дәулетбеков (Қазақстан)
No. 2 Хасан Яздани (Иран)
No. 3 Майлс Амин (Сан-Марино)
No. 4 Джабраил Шапиев (Өзбекстан)
No. 5 Магомед Рамазанов (Болгария)
No. 6 Бат Бямбасурен (Моңғолия)
No. 7 Дәурен Куруглиев (Грекия)
No. 8 Хаято Ишигуро (Жапония)

Рейтингке ілінбеген палуандар, жеребе бойынша екі топқа бөлінетін болады