Семей қаласындағы полиция қызметкерлері мұқтаж отбасыларға көмек көрсетті, деп хабарлайды Buqara.kz сайтының тілшісі.

Қалалық Полиция басқармасы баспасөз қызметінің мәліметіне сүйенсек, карантин кезінде кәсіпорындардың көбісі жұмысын тоқтатқандықтан кейбір отбасылар қиын жағдайға тап болған. Осы ретте тәртіп сақшылары оларға көмектесуді өздерінің азаматтық борышы деп санады.

– Жуықта тергеушілер бірлесіп әлеуметтік маңызы бар азық-түлік өнімдерін осындай отбасыларға тараттық. Осылайша, біз коронавируспен күресте бәріміздің бір екенімізді көрсеткіміз келді. Мұқтаж жандарға қолұшын созуға мүмкіндік болса, аянып қалмау керек. Бір-бірімізге қамқорлық танытқанымыз жөн, – дейді Семей қалалық Полиция басқармасы бастығының орынбасары, полиция полковнигі Сұңғат Әділбеков.

Осы ретте полицейлер қазіргі қиын кезде әр адамның негізгі міндеті өзін оқшаулау арқылы жақындарының, туған-туысқандарының денсаулығын сақтау екендігін атап өтті.