19 ақпанда Шығыс Қазақстан облысының солтүстігінде, шығысында қарлы боран күтіледі, деп хабарлайды Buqara.kz сайтының тілшісі.
 
Жел солтүстік-батыс, күндіз солтүстікте күшеюі ықтимал. Жылдамдығы 15-18 м/с-қа жетеді деп болжануда.
ШҚО ТЖД қызметкерлері азаматтардан қауіпсіздік шараларын сақтауды сұрайды.
- Қарлы боранда елді мекендерден кетпеңіз. Ауа райы жағдайлары туралы "Дармен" мобильді қосымшасынан біле аласыз. Қатты жел болған жағдайда өзіңізді қалай қорғауға болады - маңайда орналасқан ғимараттардың ішін паналаңыз, - делінген мәліметте.
Мамандар ағаштардан, ілулі заттардан, электр желілері мен билбордтар жанына жүрген сақ болуға шақырады.
ШҚО ТЖД баспасөз қызметі