«Қазгидромет» РМК 14-17 желтоқсан күндеріне ауа райы болжамын ұсынды, деп хабарлайды Buqara.kz тілшісі ҚазАқпарат сайтына сілтеме жасап.

- Республикамыздың солтүстік облыстарында қардың жаууы мен температураның төмендеуіне ықпал еткен арктикалық суық фронт оңтүстік, орталық және шығыс өңірлер арқылы Алтайға жылжиды. Кейін антициклонға байланысты Қазақстанның қалған аймақтарында да температура төмендейді. 16 желтоқсанда Ресейдің Еуропалық бөлігінен республиканың батыс облыстарына кезекті атмосфералық фронттар жылжып, жауын-шашын түседі және ауа температурасы жоғарылайды, - делінген хабарламада.

Республиканың көптеген өңіріндегі тұман мен көктайғақ 14-17 желтоқсан аралығында да болжанады.