Заңгер Сабина Ахметова жұмыс кеңсесі тым суық болса не істеу керек екенін түсіндірді, - деп хабарлайды Buqara.kz сайтының тілшісі Tengrinews.kz сайтына сілтеме жасап.
Заңгер мәліметінше, Еңбек кодексінің 182-бабына сәйкес жұмыс беруші қауіпсіз және салауатты еңбек жағдайын қамтамасыз етуге міндетті. Еңбек жағдайы стандарттарға сәйкес келмесе, қызметкер жұмысты орындаудан бас тартуға құқылы.
"Сонымен қатар, Еңбек кодексінің 184-бабына сәйкес жұмыс беруші санитарлық-эпидемиологиялық нормаларға сәйкес келетін тиісті температуралық жағдайларды, жарықтандыруды және желдетуді қамтамасыз етуге міндетті және температура Цельсий бойынша 18 градустан төмен болмауы керек. Сонымен қатар, қауіпсіз және салауатты еңбек жағдайын қамтамасыз ету үшін, ауа райына байланысты ескерту жарияланған кезде, жұмыс беруші көлікпен қамтамасыз етуі, немесе қашықтан жұмыс істеуге шығаруы, немесе жұмыс күнін қысқартуы керек", - деді Сабина Ахметова Instagram желісіндегі блогында.
