«Азаматтарға арналған үкімет» Мемлекеттік корпорациясы» КЕ АҚ ШҚО бойынша филиалы мамандары электрондық сандық қолтаңбаны қашықтан алу жолдарын ұсынды, деп хабарлайды Buqara.kz сайтының тілшісі.

Мамандар кеңесі мынадай:

– Құрметті оқырман, мемлекеттік қызметтердің басым бөлігі Egov.kz порталы арқылы көрсетілетінін білерсіз. Ал олардың негізгі бөлігін растау мен алу электронды цифрлық қолтаңба (ЭЦҚ) арқылы жүзеге асады.

Egov.kz порталына кіріңіз;

Басты беттегі ЭЦҚ-ны қашықтан алу батырмасына басыңыз да, қызметке онлайн тапсырыс беріңіз;

• Порталға бейнекамераны қосуға рұқсат етіңіз;

• ЭЦҚ түрін таңдаңыз да ЖСН нөміріңізді теріп, қызметке тапсырыс беріңіз;

• Жеке басыңызды растайтын құжат түрін таңдаңыз;

• Телефоныңыздың нөмірі мен SMS кодты теріңіз;

• Бейне сәйкестендіру сілтемесіне өтіңіз де, камераға қараңыз;

• Жеке кабинетіңізге жасырын сөз ойлап тауып, құжаттар батырмасына өтіңіз;

• Жеке басыңызды растайтын құжатты «файлды жүктеу» немесе «суретке түсіру» арқылы порталға енгізіңіз;

• Құжат жүтелген соң, жеке кабинетіңіз үшін енгізген жасырын сөзді теріп, оған кіріңіз;

• Өтініштің электронды нұсқасына электронды мекен-жайыңызды қосыңыз;

• Кілтті сақтау орнын таңдап, оның орналасқан жолын көрсетіп өтінішті жіберіңіз;

• Соңғы беттен өтініштің статусын көре аласыз;

• Кілт дайын болған кезде оған құпия сөз ойлап тауып енгізіңіз;

• Сертификатты жүктеңіз, – дейді филиал қызметкерлері.