Елімізде темір-жол билеттерін онлайн сатып алуға мүмкіндік беретін жаңа сайт жұмысын бастады, деп хабарлайды Бұқара.кз сайтының тілшісі YK-news.kz сайтына сілтеме жасап.

Қазақстан бойынша жұмысын бастаған bilet.railways.kz сайтында тұрғындар жеке кабинетке кіріп немесе сайтқа тіркелмей-ақ билетке тапсырыс бере алады.

- Жолаушылар қажет кезде алған электронды билеттерін қайта өткізе алады. "Бару" және "қайту" билеттерін бірден сатып алуларына болады, – деп хабарлады "Қазақстан Темір Жолы".

Егер тұтынушы таңдаған бағытқа билет бітіп қалса, экран бетіне "күтілуде" деген жазу шығады. Билет бар бола қалған жағдайда электронды поштаға ескерту келеді.
Билет құнын төлеуге халықаралық стандарттағы Visa мен MasterCard төлеу жүйелерін қолдайтын, кез келген деңгейдегі банк карталары қабылданады.