30 қыркүйек күні Шығыс Қазақстан кинологиялық үйрету орталығы иттердің барлық түрлері бойынша «Кенді Алтай. Күз — 2017» Ұлттық көрмесін өткізеді, деп хабарлайды Бұқара.кз сайтының тілшісі.

Шараға жүзден астам иттің қатыстырылуы күтілуде. Олардың ішінде ғажайып реңді пудель, бультерьер, ауған тазысы және қойға ұқсас аңшы ит — бедлингтон-терьер болады.

Көрме бағдарламасында дәстүрлі «Ең үздік тұқым», «Клуб мақтанышы», «Әулет» (мұнда кем дегенде үш ұрпақтың иттері көрсетіледі), «Кішкентай хендлер» (9-14 жастағы балалар иттерді таныстыру әдістерімен жарысады) конкурстары өткізіледі. Шараға жүзден астам иттің қатыстырылуы күтілуде. Олардың ішінде ғажайып реңді пудель, бультерьер, ауған тазысы және қойға ұқсас аңшы ит — бедлингтон-терьер болады.

Төрт аяқты достарға баға берумен қатар, оның иесімен танысып, күшік сатып алуға келісуге болады. Ал тәжірибелі ит өсірушілер бұл іске жаңадан ден қойған әріптестеріне керекті кеңестер айтады.

Аталмыш шара 30 қыркүйек күні Өскемен қаласының Қабанбай батыр көшесі, 45 мекен-жайында орналасқан «Арман» клубында өткізіледі. Шараның басталуы сағат таңғы 10.00-ге жоспарланған. Көрем деушілерге кіру тегін.