"Казгидромет" РМК ШҚО бойынша филиалының мәліметінше, 9 тамызда түнде облыстың солтүстігі мен шығысында, күндіз батысында, солтүстігі мен шығысында найзағай болуы мүмкін, деп хабарлайды Buqara.kz сайтының тілшісі.
Күндіз өңірдің батысында, солтүстігі мен шығысында бұршақ пен дауыл соғуы ықтимал. Оңтүстік-шығыстан соғатын жел оңтүстік-батысқа ауысып, екпіні 23 м/с жететін жел соғады. Сондай-ақ күндіз 35 градус қатты ыстық күтіледі.
Өскеменде найзағай ойнап, бұршақ жаууы мүмкін. Екпіні 15-20 м/с болатын жел соғады.
Облыстың орталығы мен батысында жоғары өрт қауіпі, ал оңтүстігінде төтенше өрт қауіпі сақталады.
Төтенше жағдай кезінде "112" нөміріне хабарласыңыздар.
