Бүгін өңір басшысы Ермек Көшербаев аудан халқымен кездесіп, Эльдар Лұқбекұлының жұмысына сәттілік тіледі, деп хабарлайды Buqara.kz сайтының тілшісі.

Естеріңізге сала кетейік, жауапты тұлға 2022 жылдың қаңтарынан бастап осы қызметте болған.
- Белсенділік танытқан барлығыңызға алғыс айтамын. Мұндай сайлау тұңғыш рет өтті. Дауыс беру 80 пайызды құрады. Бұл өңірді оң өзгерістер күтеді деп сенеміз, - деді Ермек Беделбайұлы.
Сайлау 44 таңдау учаскесінде өтті. 1155 адам учаскеге келмей дауыс берген. 
Эльдар Тумашинов төрт жылда халық сенімін ақтап, аудан әлеуетін көтеруге барын салатындығын жеткізді.
Қысқаша таныстыра кетсек:
Эльдар Лұқбекұлы 1987 жылы 6 қазанда Катонқарағай ауданында дүниеге келген. Ұлты қазақ.
 Абай атындағы Қазақ ұлттық педагогикалық университетін, Қазақстан Республикасы Президентінің жанындағы Мемлекеттік басқару академиясын бітірген.
Еңбек жолын 2012 жылы «Kazenergy» Қазақстан мұнай-газ және энергетика кешені ұйымдарының қауымдастығы» заңды тұлғалар бірлестігінде халықаралық ынтымақтастық департаментінің сарапшысы болып бастады. Қазақ, орыс және ағылшын тілдерін еркін меңгерген. Отбасылық жағдайы: үйленген, 4 баласы бар.
2016 жылдың 4 сәуірі мен 2019 жылдың қаңтары аралығында СЕМИНКО" ЖШС директоры, Астана қаласы.
2019 жылдың 1 қаңтарынан 2022 жылдың қаңтары аралығында
"Ертіс" "Әлеуметтік-кәсіпкерлік корпорациясы" АҚ Басқарма төрағасы. Ал өткен жылдың басынан бастап осы уақытқа дейін Глубокое ауданының әкімі қызметінде.