Ресми ақпаратпен Катонқарағай ұлттық паркі мамандары бөлісті, деп хабарлайды Buqara.kz сайтының тілшісі.
Ұлттық парк мамандары қар барысының популяциясы бойынша жыл сайын мониторинг жүргізеді. Қыста фототұзақ объективіне іліккен тағының қимыл-қозғалысы сол құрылғыны тексеру кезінде жуықта ғана әлеуметтік желілерде жарияланды.
- Аршаты орманшылығында осы жылдың қаңтар айында орнатылған фототұзаққа кезекті қар барысы түсті. Түз тағысының тіршілік ету ортасына байланысты инспекторлар фототұзақтардың батареяларын жаңарту және флэш-карталарын ауыстырады. Ол үшін биік және жартасты жоталарға 3,4 күн жаяу жүреді, - делінген жазбада.
Қолда бар дерекке сүйенсек, бүгінде парк аумағында 11 қар барысы мекендейді.
