Қазақстанда такси қызметі қымбаттады

216
көрілім
Фотосурет ашық дереккөзден

Ресми статистика деректері бойынша, Қазақстанда жыл басынан бері такси қызметтерінің бағасы 4,7% өскен, деп хабарлайды Buqara.kz сайтының тілшісі, Ulysmedia.kz сайтына сілтеме жасап.

Ұлттық статистика бюросының мәліметінше, биылғы жылдың бірінші жартыжылдығында Қазақстанда такси қызметін пайдаланған адамдар саны 35,6 млн жолаушыға жетіп, 37,6% өскен.

- Жолаушыларды такси арқылы тасымалдаудан түскен табыс 4 млрд теңгені құрады. Бұл өткен жылдың осы кезеңімен салыстырғанда 29,8% жоғары. Жыл басынан бері такси қызметтерінің бағасы 4,7% өсті, - делінген хабарламада.

Еске сала кетейік, бұған дейін Қазақстанда inDrive және Яндекс Go жүргізушілерін жылдамдықты асырғаны үшін жұмыстан шеттететіні туралы хабарлаған болатын.

Көлік министрлігі жылдамдық режимін жиі бұзатын inDrive және Яндекс Go жүргізушілері тапсырыстарды орындаудан шеттетілуі мүмкін екенін хабарлады. Бұл шаралар inDrive және Яндекс Go компанияларымен қол қойылған меморандумда қарастырылған.

Сонымен қатар компаниялар биыл ерекше қажеттіліктері бар пайдаланушылардың жеке қажеттіліктері мен балалар орындығы қажеттілігі туралы хабарлауға мүмкіндік болатынына сендірді.