Өскеменде құқық қорғау және медицина саласының қызметкерлері баспасөз мәслихатын өткізіп, «Жол үстіндегі балалардың қауіпсіздігі» атты айлықтың жүріп жатқанын мәлім етті, деп хабарлайды Buqara.kz сайтының тілшісі.

– 2017 жылдың алғашқы үш айының көрсеткіші бойынша Қазақстанда жол-көлік оқиғасы салдарынан 23 бала көз жұмған. Сондай-ақ, 618 бала әр түрлі дәрежеде жарақат алған. Сараптама жұмыстары көп жағдайда автокөлік ішіндегі балалардың күрделі жағдайға тап болатынын көрсетіп отыр, – дейді ОС ӨСҚПО дәрігері Наталья Сабанова.

Баспасөз мәслихатында ШҚО ІІД Жергілікті полиция қызметінің бөлім басшысы Андрей Ларионов облыс бойынша «Жол үстіндегі балалардың қауіпсіздігі» атты акция 1 мамыр – 1 маусым аралығында өтетінін хабарлады. Шара бойынша, мектептердегі оқушыларға түсіндірме жұмыстары жүргізілмек.

Мейрамбек Қосажан