Қазақстандықтардың 2024 жылдың тамыз айында қанша күн демалатыны белгілі болды, деп хабарлайды Buqara.kz сайтының тілшісі
Тамыз айында мемлекеттік мерекелерден 30 тамыз – Конституция күні тойланады. Ал биыл 30 тамыз жұма күніне сәйкес келіп тұр.
2024 жылы Конституция күніне арналған демалыс күндері:
- бес күндік жұмыс аптасы үшін 30, 31 тамыз және 1 қыркүйек демалыс күндері;
- алты күндік жұмыс аптасы үшін 30 тамыз демалыс күні, 31 тамыз жұмыс күні, 1 қыркүйек демалыс күні.
Сонымен қатар бұл айда кәсіби және басқа да мерекелер бар.
Олар:
- 4 тамыз (тамыз айының бірінші жексенбісі) – Көлік қызметкерлері күні;
- 10 тамыз – Абай күні;
- 11 тамыз (тамыз айының екінші жексенбісі) – Құрылысшылар күні;
- 18 тамыз – Шекарашылар күні;
- 25 тамыз (тамыз айының соңғы жексенбісі) – Шахтерлер күні;
- 29 тамыз – Семей ядролық полигонының жабылған күні.
