Жаңа спорттық нысан "Ауыл ел бесігі" жобасы аясында бой көтермек, деп хабарлайды Бұқара.кз сайтының тілшісі.

Бұл жайлы ШҚО Аймақтық коммуникациялар қызметінде өткен баспасөз конференциясында Көкпекті ауданының әкімі Асхат Смаилов мәлімдеді.

- Көкпекті ауылында жобалық құны 788 млн теңгені құрайтын дене шынықтыру-сауықтыру кешенінің құрылысы жүргізілуде. Бұл қаражаттың 404 млн. теңгесі республикалық бюджеттен бөлінген. Жоспар бойынша спорттық нысанның құрылысы келесі жылы аяқталады, - деді аудан әкімі.

Қоса кетсек, бүгінде Көкпекті ауданында 190 спорттық құрылым нысаны бар.