ШҚО ТЖД баспасөз қызметінің мәліметіне сүйенсек, құтқарушылар Күршім ауданы Қалжыр ауылында суға кеткен екі азаматты іздестіріп жатыр, деп хабарлайды Бұқара.кз сайтының тілшісі.

Із-түссіз жоғалған 1974 (болжам бойынша 12 мамырда суға кеткен) азамат пен 1987 жылғы ер адамды (құтқарушы, шамамен 14 мамырда суға кеткен) іздеу шаралары кеше таңғы сағат 7.00-де жалғасқан болатын. Іздеу жұмыстарына жеке құрамнан 20 құтқарушы, 6 арнайы техника және 4 жүзу құралдары жұмылдырылды. Өкінішке орай, іздестіру шаралары әзірге ешқандай нәтиже берген жоқ.