Күршім ауданында боранда екі адам адасып кетіп, біреуі көз жұмды, деп хабарлайды Buqara,kz сайтының тілшісі.   

Оқиға жергілікті сипаттағы төтенше жағдай режимі жарияланған Күршім ауданында болған. Маралды ауылдық округінде екі адам боранда қалған. 

«Үшбұлақ ауылынан атпен қайтып келе жатқан ер адамдар қарлы боранда адасып қалды. Оның бірі көз жұмып, екіншісінің аяғы үсіп кетті. Қазіргі уақытта оған санитарлық авиациямен дәрігерлер көмекке шықты. Ер адамды Өскемендегі медициналық мекемеге жеткізу жоспарланып отыр», - деп хабарлады ШҚО Денсаулық сақтау басқармасының баспасөз қызметі.

Ведомство дерегінше, санитарлық авиация бригадасының құрамында реаниматолог Александр Патрин мен фельдшер Лариса Величко бар.