Еліміздегі халыққа қызмет көрсету орталықтары қызмет алушылардың өміріндегі маңызды оқиғаларының куәсі екені жасырын емес. Онда күн сайын Қазақстан Республикасының азаматы өз төлқұжатын алып, алғашқы жүргізуші куәлігін рәсімдеп, жаңа туған сәбиінің куәлігіне өтініш беріп жатады. Осындай сәттегі қуанышты бөлісіп, жан жылуын сыйлау үшін «Азаматтарға арналған үкімет» жұмыстарына жаңа үрдіс енгізгенге ұқсайды, деп хабарлайды Buqara.kz сайтының тілшісі.

Өміріндегі маңызды жайттармен байланысты құжаттарын рәсімдеуге келген әр тұрғын бұл жерден көтеріңкі көңіл күймен шығып, сый-сияпаттарға ие болуда.

Өскемендегі №3 ХҚКО бөліміне бесінші баласының туу туралы куәлігін алуға келген Дания мен Ардақ, бұрын мұндай құттықтаулардың болмағанын айтады.

– Бүгін Өскемен қалалық №3 Халыққа қызмет көрсету бөліміне жұбайымыз екеуміз 5-ші баламның туу туралы куәлігін алуға келдік. Орталық қызметкерлері куәлігімізді салтанатты түрде табыстады. Алғысымыз шексіз, бақытты клиентпіз деп айта аламыз. @gov4c.kz орталық қызметкерлеріне көп рахмет! Жұмыстарыңыз жандана берсін! – деді олар.

Қызмет алушылардың көңіл-күйін көтеруге бағытталған бұл іс-шара Халыққа қызмет көрсету бөлімдерінің барлығында өтуде.

Азаматтарға арналған үкіметтегілер "Бақытты клиент" тұжырымдамасын қолға алып, әр келушіге сапалы қызмет қана көрсетіп қоймай, осылайша қызмет алушының көңілін де аулауға тырысатын болады.

«Азаматтарға арналған үкімет» мемлекеттік корпорациясы филиалының директоры Азамат Есембуловтың айтуынша, коронавирус пандемиясы мен карантин жағдайында тек мейірімділік пен ықыластылық азаматтардың көңіл-күйін және қызметкерлердің рухын көтеруге қабілетті, сондықтан адамдарға жылулық сыйлап, оларды өмірлеріндегі ең маңызды оқиғалармен құттықтау үшін мемлекеттік қызмет көрсету атмосферасын өзгерту және ресми қызмет көрсету аясынан шығу туралы шешім қабылданды.

– Басында, әрине, бұл біздің қызметкерлер үшін ерекше болды. Олар мұны қосымша жүктеме ретінде қабылдады, сонымен қатар, әрине, құттықтауға ұялып бастады. Дегенмен, қызмет алушылар әртүрлі және әркімнің реакциясы әртүрлі. Енді, керісінше, қызметкерлердің өздері құттықтаулар мен жылы сөздер тілектерінен клиенттердің өздеріне қарағанда жағымды эмоциялар алатындығын мойындайды, – деді Есембулов.

Енгізілген тұжырымдама сәтті болады деп айтуға әлі ерте. Бірақ, Қазақстанның қалған мемлекеттік органдарына қарағанда ХҚКО-лар трендтерді бірнеше рет өз нәтижесін көрсеткенін еске сала кеткен жөн. Олар бірінші болып кедергісіз қызмет көрсетуді, бір терезе және бір өтініш қағидатын енгізді, "проактивті" қызметтер ұғымын енгізді және алғашқылардың бірі болып азаматтың биометриялық деректерін қолдана бастады.