Мамыр айында қанша күн демалатынымыз белгілі болды. Tengrinews.kz сайтының хабарлауынша, 2017 жылдың мамырында қазақстандықтар 11 күн демалады.

– 2017 жылы «Қазақстан Республикасындағы мереке және демалыс күндер» күнтізбесінен белгілі болғандай, Қазақстанда 1 Мамыр Бірлік күні, 7 мамыр Отан қорғаушылар күні, 9 мамыр Ұлы Жеңіс күні аталып өтеді. 1 Мамырдағы мереке күні дүйсенбіге сәйкес келіп тұрғандықтан, осы күн демалыс болады. 7 Мамыр жексенбіге сай келгендіктен, қазақстандықтар дүйсенбі, яғни 8 мамырда демалады. 9 Мамыр да сейсенбіге келетіндіктен, бұл күн де демалыс күні болып белгіленіп отыр, – деп хабарлайды ақпарат көзі.
6-9 мамыр аралығы – үздіксіз демалыс күні. Мамыр айындағы мереке күндерін демалыстармен қосқанда қазақстандықтар қосымша тағы үш күн демалады.

Мейрамбек Қосажан

Фотосурет: Tengrinews.kz