С.Аманжолов атындағы Шығыс Қазақстан Мемлекеттік университеті химия кафедрасы мен Оралхан Бөкей атындағы қалалық кітапхана жанынан құрылған «Шабыт» ақындар орталығы «Рухани жаңғыру – ұлттың ұлы мұраты» атты қалалық ақындар мүшәйрасын өткізбек.

Жыр мүшайрасының мақсаты - химия кафедрасының жыл сайын өткізіп келе жатқан дәстүрлі мәдени іс-шарасын қалалық деңгейде жалғастыру, мемлекеттік тілді дамыту, жас ақындардың шығармашылығын шыңдау.

Мүшайра 2018 жылғы 7 желтоқсан күні сағат 14.00-де Оралхан Бөкей атындағы қалалық кітапхананың әдеби қонақжай залында өтеді. Жыр мүшайрасына қаламыздағы жас ақындар қатыса алады. Мәліметтер мен өлеңдер (электрондық нұсқада) 30 қарашаға дейін san_os@mail.ru электронды поштасына жолдану керек. Қосымша ақпарат алғыңыз келсе 8(7232)540-482, 8(775)520-29-55 телефондарына хабарласуға болады.

Талғатжан МҰХАМАДИЕВ