Wrestling_world күрес парақшасында Олимпиада ойындарында топ жарып, жүлдегер атанған спортшыларға өз елінде қандай көлемде сыйақы тағайындылатыны жарияланды, деп хабарлайды Buqara.kz сайтының тілшісі.

Мамандар кейбір елдердің өз спортшыларын лайықты деңгейде бағаламайтындықтарын айтуда. Ол жақтарда валюта бағамының құндылығы әралуан болғандықтан билік басындағылардың бекіткен сомасы орынды да шығар. Дей тұрғанмен мысал етілген мемлекеттер ішінде қазақстандық спортшыларға тағайындалатын сыйақы ең жоғары. Алтын медаль иеленген атлетке 250 мың доллар табысталуы спорт державасы саналатын АҚШ пен Ресейдегі сандардан біршама жоғары. Ал Әзірбайжан мемлекеті елімізді біршама өкшелеп қалған. Ол жақта чемпиондарға 248 мың доллар берілсе, күміс және қола медаль еншілегендер 124 және 62 мың долларға ие болмақ. Қазақстанда бұл тұрғысынан 150 және 75 мың доллар табыс етіледі. Айта кетейік, елімізде үздік үштікке ілінгендер үшін бекітілген сыйақы көлемінің мұрты бұзылмай келе жатқанына талай жыл болды.