ШҚО Энергетика және ТҮКШ басқармасының басшысы Дәулет Батырбаевтың мәліметінше, бүгінде өңірдегі әлеуметтік нысандарды жылыту маусымына дайындау жұмыстары қарқынды жүргізілуде, деп хабарлайды Buqara.kz сайтының тілшісі.

Денсаулық сақтау нысандары 79%, білім беру нысандары 76%, әлеуметтік қорғау нысандары 82%, ал тұрғын үйлер 63% дайын.

– Облыстағы ЖЭО мен жылу көздерінде 342 мың тонна немесе 165% эксплуатациялық қор жиналған. Жеткізу келісімшартқа сәйкес жүргізіледі. Бюджеттік ұйымдарға көмірді жеткізу шілде айында басталды. Жалпы қажеттілік қоры 132,1 мың тоннаны құрайды. Қазіргі уақытта 85 мың тонна немесе 62% жеткізілген. Жылыту маусымына дайындық үнемі бақылауда, – деді Дәулет Батырбаев.

Тұрғындарды от жағу маусымында көмірмен қамтамасыз ету үшін 1123,6 мың тонна қажет. Қазір 695,8 мың тонна көмір немесе 62% жеткізілді. Облыс тұрғындары үшін көмірдің орташа бағасы – 12 500 теңге.