Облыс орталығында қалтасына есірткі жасырған жігіт ұсталды, деп хабарлайды  Buqara.kz сайтының тілшісі.
Жиырма алты жастағы ер адамды тінту кезінде күртешесінің оң қалтасынан қоңыр-жасыл түсті өсімдік тектес зат пен екі қағаз түйіншек тәркіленді.
– Сараптама табылған заттардың жалпы салмағы 2,78 грамм болатын кептірілген марихуана екенін көрсетті. Есірткі сақтағаны үшін күдіктіге қатысты ҚР ҚК-нің 296-бабы 2-бөлігіне сәйкес сотқа дейінгі тергеу амалдары басталды, – делінген ШҚО ПД баспасөз қызметі таратқан ақпаратта.
Баптың санкциясы 160 АЕК-ке дейін айыппұл салу немесе 40 тәулікке дейінгі мерзімге қамауға алу түріндегі жазаны көздейді.