5-7 шілде аралығында Өскемендегі Қажымұқан атындағы жекпе-жек сарайында арқан тартыстан ашық республикалық турнир өтеді, деп хабарлайды Buqara.kz сайтының тілшісі.
Аталған іс-шара ұлттық спорт түрлерін дамыту арқылы салауатты өмір салтын насихаттау, сондай-ақ республика көлемінде сайыстар өткізу арқылы адамдардың ұлттық спорт түрлеріне қызығушылықтарын арттыру мақсатында өткізілмек.
Жарысқа Қазақстанның түкпір-түкпірінен 130-ға жуық спортшы келеді деп күтілуде.
Жеңімпаздар мен жүлдегерлер арқан тартыс ережесіне сай жинаған ұпайлары бойынша анықталмақ.
Жарыстың салтанатты ашылуы 6 шілдеде түскі сағат 12:00-де өтеді.
