Облыс орталығында балаларға арналған облыс әкімінің шыршасы өтеді, деп хабарлайды Buqara.kz сайтының тілшісі.

Ескі дәстүр бойынша бүгін «Ертіс концерт» орталық Мәдениет үйінде сағат 15:00-де облыс әкімінің шыршасы ұйымдастырылады.

Балаларға арналған жаңажылдық сауықтыру бағдарламасына 450 жетім бала, ата-ана қамқорлығынсыз қалғандар, мүмкіндігі шектеулі балалар, аз қамтылған және көпбалалы отбасынан шыққан, сондай-ақ 9-13 жас аралығындағы оқу үздіктері қатысады.

Мерекелік шараның барша қатысушысына әралуан ертегі кейіпкерлері сыйлықтар табыстап, тәттілер үлестірмек.

Одан бөлек, балақайларды ауқымды мәдени-сауықтыру бағдарламалары, оның ішінде: «Жаңа достар ортасында» танысу кеші, «Юбилейный» кинотеатрында жаңажылдық мультфильм тамашалау, облыстық Драма театрында балаларға арналған жаңажылдық қойылымды тегін тамашалау, қаланы аралау, спорттық ойындар және тағы басқалары күтіп тұр.

Мекенжайы: Өскемен қ., Абай даңғылы 21, «Дарын» ғылыми-әдістемелік орталығы

тел.: 8 /7232/ 75-26-91, 8/7232/55-20-12

Фотосурет edupvl.gov.kz сайтынан