Аталған шараның қолға алынуына «Қазгидромет» РГП ұсынған мәлімет себепкер болды, деп хабарлайды Buqara.kz сайтының тілшісі.

Естеріңізге сала кетейік, ақпан айының 10-ы күні облыс орталығындағы қорғасын-мырыш комбинатының металлургия кешені аумағының бірінде пештен балқытпа зат шығарылып, соның салдарынан көп мөлшерде бу бөлінген. Оқиға бірден бейнебақылауға түсіп, әп-сәтте әлеуметтік желіге тарап кетті.

– ШҚО Экология департаментінің мамандары атмосфералық ауаға тараған зиянды газ тәріздес заттар құрамын анықтауды қолға алды. Департаменттің зертханалық-аналитикалық бақылау бөлімі күкірт диоксиді, азот диоксиді, күкірт сутегі, формальдегид және басқаларының аккредитациялары, – деп хабарлады.

Сол күні «Қазгидромет» экологтарының сұраухаты бойынша, қорғасын құрамы да анықталды. Құзырлы мекемедегілер солтүстік өнеркәсіп торабының санитарлық-қорғау аймағы шекарасында өлшеп-анықтау жүргізілгенін жеткізді.

– Талдау қорғасын тозаңы бойынша максимальді бірреттік шектік рұқсат етілген концентрацияның 1,2 есе артқанын анықтады, – деп қосты мекемедегілер. – Алынған нәтижелер негізінде экологиялық заңнама нормаларын сақтау мәселесі бойынша "Қазмырыш" ЖШС жоспардан тыс тексеру тағайындады.