Электронды билеттеуге арналған пилоттық жоба алдымен рельсті теміржол көлігінде, яғни трамвайларда жүзеге асады, деп хабарлайды Buqara.kz тілшісі.
Бұл ақпарат 13 қарашада өткен қоғамдық кеңес отырысында айтылды.
- Пилоттық жоба алдымен трамвай паркінен бастау алады. Желтоқсан айының басында әзірше 17 трамвайға орнатылмақ. Ал автобустарда 2020 жылдың тамыз-қыркүйек айларынан бастап іске қосылады. Бастамасында Москва немесе Новосибирскідегідей кондукторлар қолмен тексерген дұрыс. Солай қадағалауға әлдеқайда ыңғайлы болады,- деді Жолаушылар тасымалы орталығының директоры Олег Молодов.
