Облыстық Жастар театрының өнерпаздары ақпан айының 22 күні атақты итальяндық комедияшы Эдуардо Де Филиппоның «Призраки» комедиясының негізінде «Елестер» драмасының премьерасын ұсынады, деп хабарлайды Buqara сайтының тілшісі.
    Спектакльдің қоюшы режиссері Тәжікстанның еңбек сіңірген әртісі, көптеген халықаралық театр фестивальдерінің жеңімпазы, Кирил Лавров атындағы сыйлықтың лауреаты  Барзу Абдураззаков.
Оқиған желісінің қысқаша мазмұны мынадай:
    Жас жұбайына қатты ғашық, ашулануды білмейтін, романтик Паскуале Лойяконо зәулім сарайдағы он сегіз бөлмелі пәтерді «өзінің мықты жоспары» бойынша бес жылға тегін алады. Ақысына бағзы заманнан келе жатқан елестер жайлы аңызды жоққа шығаруы тиіс.  Адамдардың айтуынша, бұл сарайда қатаң жазаға кесілген қос ғашықтың жандары қалған.  Жаңа қонысқа келген жұбайлардың арасына елестер араласқанда қарым-қатынас қалай өзгеретінін тамашалайсыздар.
Атақты итальяндық комедияшы Эдуардо Де Филиппоның әйгілі пьесасының кейіпкерлері тек жақындарына ғана емес, өздеріне де жаңа көзқараспен қарауға мәжбүр болады. Қойылымды тамашалай отырып елестер мен адамдар арасында қандай айырмашылық қалғанын іштей ой елегінен өткізуге болады.

Байланыс телефондары: 8 702 723 27 88 Олжас Манапұлы
                                          8 777 858 18 78 Жеңісгүл Торгауыт
    Басталуы: 17.00 сағат
    Өтетін орны: Шығыс Қазақстан облыстық драма театры,  Қ.Сәтпаев даңғылы 55.
Билеттерді театр кассасынан немесе ТИКИТОН арқылы онлайн сатып ала аласыз.