Қаңтар айының Полиция департаментінің өкілдері есірткі қылмысына қарсы күрес қызметкерлерімен бірлесе интернет-дүкен арқылы есірткі сатқан Глубокое ауданы Опытное ауылының тұрғынын қолға түсірді, деп хабарлайды Buqara.kz сайтының тілшісі.

Тінту барысында 41 жастағы ер адамның үйінен өзіндік иісі бар жасыл түсті өсімдікке ұқсас полимерлі пакеттер табылған.

– Сарапшы қорытындысына сәйкес тәркіленген зат салмағы 159,43 грамм кептірілген марихуана болып шықты. Тәртіп сақшылары ер адамның әлеуметтік желі арқылы интернет-дүкен ұйымдастырып, есірткі заттарын Өскеменде сатқанын анықтады, – делінген мәліметте.

Аталған факті бойынша ҚР ҚК 297-бабы 2-бөлігіне (есірткі құралдарын, психотроптық заттарды, сол тектестерді өткізу мақсатында заңсыз дайындау, қайта өңдеу, сатып алу, сақтау, тасымалдау, жөнелту немесе өткізу) сәйкес сотқа дейінгі тергеу амалдары басталды. ШҚО ПД ЕҚҚКБ бастығы Нариман Кульдиковтің сөзінше, оның санкциясы 6 жылдан 12 жылға дейінгі мерзімге бас бостандығынан айыру түріндегі жазасы көзделген.