Өскемен қалалық Ішкі істер басқармасы 11 сынып түлектерін, орта, арнайы орта білімі бар және әскери қызметін өтеген азаматтарды еліміздің Ішкі істер министрлігі оқу орындарының ақысыз күндізгі бөлімдеріне қабылдау жүргізеді.

Болашақ тәртіп сақшыларын даярлап шығарумен ҚР ІІМ Алматы академиясы, ҚР ІІМ Қарағанды академиясы, ҚР ІІМ Қостанай академиясы, ҚР ІІМ Ақтөбе заң институты (жоғары заңгерлік емес білім бар азаматтарға, оқу мерзімі 2 жыл) айналысады.

Үміткерлердің жасы 17- 25 жас аралығында және дене шынықтыру дайындығы жақсы болуы қажет.

Аталмыш мәселе жайын егжей-тегжейлі білгілері келетін оқырмандар болса Өскемен қалалық Ішкі істер басқармасының кадр жұмысы бөліміне 8 (7232) 23-27-00, 8 (7232) 23-27-01, 8 (7232) 23-26-19 телефондары бойынша хабарласуға болады.

Азамат ТЕМІРБЕКОВ

Фотосурет: Kapital.kz