«Қазгидромет» ШҚ филиалы өкілдерінің ақпаратынша, ертең қалада 36 градус аптап күтіледі, деп хабарлайды Buqara.kz сайтының тілшісі. 

Ресми ақпаратта жоғары өрт қаупі сақталатыны да жазылды. ШҚО ТЖД мамандары тұрғындарға сақтық шараларын сақтауды ұсынды: 
-  көшеде көп жүрмеңіз, әсіресе ең ыстық уақытта: сағат 11:00 – 17:00 аралығы;
- көлеңкеде жиі болуға тырысыңыз; 
- алкогольді сусындарды ішпеңіз, бұл ағзаға кері әсер етуі мүмкін; 
- өрт қауіптілігі жоғары кезде табиғат аясы мен  үй жанында от жағуға болмайды.
Төтенше жағдайда «112» бірыңғай құтқару телефонына қоңырау шалыңыз.