Облыс орталығындағы киносүйер қауым «Юбилейный» кинотеатрында тұсаукесер көрсетілімі өткен «Қазбат» көркем фильмін жоғары бағалады, деп хабарлайды Бұқара.кз сайтының тілшісі.

Аталмыш кинотуынды бітімгершілік мақсатта тәжік-ауған шекарасына аттанып, 1995 жылы көктемде тұтқиылдан шабуыл жасаған дұшмандармен шайқасып, ерлікпен қаза тапқан 17 қазақстандық жауынгер туралы сыр шертеді. Фильмнің идея авторы – ҚР Ұлттық Ұланының Бас қолбасшысы, генерал-лейтенант Руслан Жақсылықов, режиссері – Асқар Ұзабаев.

–Еліміздің 100 сарбазы тәжік-ауған шекарасына аттанған еді. Соның 33-і жарақат алса, 17-і қайтып үйіне оралмады. Фильмді көріп отырып, бәрін қайтадан бастан кешіргендей күй кештім. Жат ел, жат жерде кеудесін оққа төсеп жанын құрбан еткен есіл ерлердің есімдері ешқашан ұмытылмайды, – деді сондағы 100 сарбаздың бірі болған Дәулет Елеусізов.

Қала тұрғындары да «Қазбат» көркем фильмінен ерекше әсер алғандарын жеткізді. Олардың арасында көз жасына ерік бергендер де болды.

Тәжік-ауған шекарасындағы қазақ сарбаздары

Талғатжан МҰХАМАДИЕВ