Сәтпаев даңғылында орналасқан көпқабатты үйден шыққан тілсіз жаудан 17 адам қауіпсіз жерге көшірілді, деп хабарлайды Бұқара.кз сайтының тілшісі.

Өрт көпқабатты тұрғын үйде кеше сағат 20.00-де басталған. Екінші қабаттағы баспалдақ алаңындағы электр жүйесінде ақау шығып, жалын күшейе түскен.

– Көк түтінге тұншыққан подъезден 17 адам құтқарылды. Оның 8-і балалар, – деп хабарлады ШҚО ТЖБ баспасөз қызметі.

Айта кету керек, тұрғындар өрт сөндіргіш құралын қолдану арқылы өртті өз күштерімен сөндірген.