Облыс орталығының Абай даңғылы бойында тағы бір елік пайда болды, деп хабарлайды Buqara.kz тілшісі.

Еліктің қала көшелерінің бірінде жүгіріп жүргенін қала тұрғындары бейнежазбаға түсіріп алып әлеуметтік желіде таратқан.

- Қалаға түз тағысының кіріп кеткенінен хабарымыз бар. Бұл мәселе қазір талқылану үсітнде. Елікті ұстау оңай емес, - дейді Өскемен қалалық ПБ басшысы Даур Ибраев.

Осы жағдайға байланысты музей-қорқық директоры Арсен Тен хайуанаттар бағына жануарды қабылдауға дайын екендігін айтып өтті.

- Еліктер хайуанаттар бағынан қашып жатқан жоқ. Қазір бізде еліктер жоқ және ұзақ уақыттан бері болмаған. Егер оны ұстап алған жағдайда біз қабылдауға әзірміз, - дейді Арсен Тен.