Суға батып бара жатқан әйелді тәртіп сақшылары құтқарып қалды, деп хабарлайды Buqara.kz сайтының тілшісі.

Полиция бөлімінің «102» жедел арнасына Үлбі өзенінде әйел адам суға батып бара жатқаны жайлы қоңырау түскен.
– Оқиға орнына жеткен полицейлер оның жағадан үш метр жерде, жұқа мұз үстінде жатқанын көрді, – делінген мәліметте. – Содан өзенге құтқару шеңберін тастап, әйелді судан алып шықты.
Төтенше жағдайлар департаментіндегілер әбден тоңған әйелді жылы киіндіріп, бірден ауруханаға жеткізген.