Өскемен қаласында 2020 жылдың басынан бері 64 өрт оқиғасы орын алған, деп хабарлайды Buqara.kz сайтының тілшісі.
Қалалық Төтенше жағдайлар басқармасы баспасөз қызметінің мәліметіне сүйенсек, биыл шаһар бойынша тілсіз жаудан 3 адам көз жұмып, 4 адам жарақат алған.
«Өткен жылдың сәйкес кезеңінде 79 өрт оқиғасы тіркеліп, 3 адам қаза тапқан болатын. Жалпы 2019 жылы тілсіз жаудан 17 адам көз жұмған. Көп жағдайда қызыл жалынның алдын алуға болар еді. Сондықтан тұрғындардан өрт қауіпсіздігі ережелерін қатаң сақтау қажет екендігін ескертеміз», - деп хабарлады ведомство өкілдері.