Өскеменде қалалық мәдениет және тілдерді дамыту бөлімі мен Орталық қалалық кітапхана әкімшілігі «Жыр жаңғырығы» атты қалалық ақындар мүшәйрасын өткізбек, деп хабарлайды Бұқара.кз сайтының тілшісі.

Мүшәйра Елбасының «Болашаққа бағдар: рухани жаңғыру» бағдарламасына орай ұйымдастырылады. Ақындар додасы  3 қараша күні сағат 14.00-де Орталық қалалық кітапхананың әдеби қонақжай бөлмесінде өтеді. Қалалық жыр мүшәйрасына 18-30 жас аралығындағы ақындар қатыса алады. Талапкерлер жүлделі орындармен атаулы сыйлықтармен марапатталмақ.

Жыр мүшәйрасының шарттары: сайысқа қатысушы бұрын еш жерде жарияланбаған екі өлеңін тапсырады (қағазға басылған және электронды түрде). Бірінші өлең – «Болашаққа бағдар: рухани жаңғыру» тақырыбында,  екінші өлең – еркін тақырыпта. Өлең авторының аты-жөні, мекен-жайы, оқу орны, байланыс телефондары толық көрсетілуі керек.

Біздің анықтама
Өлеңдер 2017 жылдың 29 қазанына дейін қабылданады. Қабылдау орны: Орталық қалалық кітапхана (Е.П.Славский атындағы Ертіс жағалауы, 22) Байланыс телефондары: 25-17-70, 87018993398. Е-mail: khizirbek_90@mail.ru,  barshin@mail.ru.