Жаңа Согра кентінде орналасқан №23 орта мектепке соғыс ардагері, ұзақ жылдар бойы білім саласының еңбек сіңірген қайраткері Мұхамет Шаяхметовтың есімі берілді, деп хабарлайды Бұқара.кз сайтының тілшісі.

ҚР Үкіметінің «Шығыс Қазақстан облысы Мәдениет және білім беру ұйымдарына атаулар беру және қайта атау туралы» 31.10.2016 жылғы қаулысына сәйкес Өскемен қаласындағы №23 орта мектепке – аты аталған мектептің тұңғыш директоры, ҰОС ардагері – Шаяхметов Мұхамет Шаяхметұлының аты берілді.

Мұхамет Шаяхметов – Күршім ауданының тумасы, ҰОС ардагері. Соғыстан кейін де ерен еңбегімен көзге түсіп, «Еңбек ардагері» атанған. Білім саласында еңбек еткен. 24 мамыр күні аралас мектепте ҰОС ардагерінің есімін беруга байланысты салтанатты шара өткізіледі.