Осы үшін «Өскемен су арнасы» мемлекеттік кәсіпорнына ірі көлемде айыппұл салынды, деп хабарлайды Buqara.kz сайтының тілшісі.

Облыс бойынша экология департаментінің мәліметінше, 16-28 ақпан аралығында «Өскемен су арнасы» мемлекеттік кәсіпорнына қатысты жоспардан тыс тексеру жүргізілді. Нәтижесінде экологтар бірқатар заң бұзушылықты анықтады.
Мәселен, кәсіпорында камералық сүзгі престері пайдаланылмаған, бұл Экологиялық кодекстің талаптарына қайшы келеді. Анықталған факті бойынша айыппұл сомасы 1 292 200 теңгені құрады. «Өскемен су арнасы» МКҚК тазарту құрылыстарының қалыпты жұмыс істеуін қамтамасыз етпеген.
 Бұл үшін салынған айыппұл - 2 953 600 теңге. Компания екі айыппұлды да қысқартылған тәртіппен төледі. Сонымен қатар, ағынды суларды тазарту қондырғыларынан алынған су сынамалары бірқатар зиянды заттардың шекті рұқсат етілген концентрациясынан асып кеткенін көрсетті.
- Талдау нәтижелері бойынша №20 сауда орнында аммоний тұздары 1,2 есеге, мұнай өнімдері 1,6 есеге, мырыш 1,7 есеге артық екені анықталды, - деп түсіндірді ведомство өкілдері.
Салынған айыппұл сомасы 36 079 680 теңгені құрады.
Компания бұл сомаға келіспейтіндігін жеткізіп, құзырлы орындарға шағымданатынын жеткізді.