Бүгін таңертең Өскемендегі 5 қабатты тұрғын үй пәтерінде өрт шығып, жиһаздар мен жеке заттар жанып кетті, деп хабарлайды Buqara.kz сайтының тілшісі. 

Ресми мәліметке сәйкес, құтқарушылар шақырту түскен сәттен бастап тілсіз жаудың бетін 37 минутта қайтарды. Өрт барысында ғимараттан 6 бала мен 14 ересек адамды эвакуациялады.

Төтенше жағдайлар департаменті өкілдері тұрғындардан өрт қауіпсіздігі ережелерін сақтауды сұрайды.