ШҚО ІІД-нің есірткі саудасына қарсы күрес Басқармасының қызметкерлері заңсыз есірткі саудасымен айналысты деген күдікпен үш адамды ұстады, деп хабарлайды Buqara.kz сайтының тілшісі ШҚО ІІД баспасөз қызметіне сілтеме жасап.

ШҚО ІІД баспасөз қызметінің хабарлауынша, жедел-іздестіру шараларын жүргізу барысында ұсталғандардың бірінің пәтерінен салмағы 1 келіден астам марихуанна табылған. Ал екінші ұсталғанның жеңіл автокөлігінің багажынан 18 келі марихуанна тәркіленген. Істі ары қарай тергей келе полиция қызметкерлері күдіктілердің бірінің гаражынан тағы 33 келі марихуанна тауып алды. Ресми хабарламаға сәйкес, орган қызметкерлері осылайша үш күдіктіден 53 келі марихуанна тәркілеген.

Үш күдікті де қазіргі уақытта тұтқынға алынып, сотқа дейінгі тергеу жұмыстары басталды.

Мейрамбек Қосажан